Тревога за ракетeн напад во Ерусалим, жителите известуваат за експлозии

Од:

Првпат од почетокот на израелската воена операција во Појасот Газа, денеска се огласи сирената што алармира за ракетен напад и во Ерусалим.

Според воените извештаи, утрово низ градот се слушале предупредувачки сирени. Жителите пријавиле експлозии, јави ДПА.

Од петокот, според војската, повеќе од 400 ракети биле истрелани врз Израел од Појасот Газа.

Има стравувања дека ситуацијата може дополнително да ескалира поради еврејскиот ден на пост и жалост, Тиша Б’Ав. Религиозните Евреи на овој ден тагуваат поради уништувањето на двата древни храма во Ерусалим.

Исламистичката организација Хамас, која го контролира Појасот Газа, во вечерните часови повика да се „одбрани џамијата Ал Акса на местото познато кај муслиманите како Благородно светилиште и да се спротивстават на израелските напади на светото место“.

Благородното светилиште, или ал-Харам ал-Шариф, со куполата на карпата и џамијата Ал-Акса, е третото најсвето место во исламот. За Евреите тоа е познато како Рид на храмовите, каде што биле и двата уништени храма.

Извор: МИА

Би можело да ве интересира

ВИДЕО: Израелската војска нападна болница во Газа

ИДФ: Хезболах истрела околу 100 ракети кон Израел

Горан Наумовски

Израелската гранична полиција нападна муслимански верници на влезот во Ридот на храмот

ВИДЕО: Израел ја пресече Газа на половина, Палестинците нема да можат да се вратат

(ВИДЕО) Глад, болести, урнатити и штета од 30 милијарди долари – Во Газа е се полошо

Катерина Ѓуровски

Израелската армија изгради пат низ Газа