Трас: Велика Британија нема да и се приклучи на Европската политичка заедница

Од:

Шефицата на британската дипломатија, Лиз Трас, денеска ја отфрли можноста Обединетото Кралство да биде дел од Европската политичка заедница, што ја предложи францускиот претседател Емануел Макрон.

Говорејќи на сослушувањето во Комисијата за надворешна политика на Долниот дом на британскиот Парламент, Трас ги негираше извештаите од Елисејската палата во кои се сугерира дека британскиот премиер Борис Џонсон покажал интерес за Европската политичка заедница во разговор со францускиот претседател.

Џонсон и Макрон разговараа на маргините на самитот на Г7, на 26 јуни во Германија.

Макрон предложи формирање на Европска политичка заедница која ќе биде отворена за европските држави кои споделуваат заеднички збир на демократски вредности, без разлика дали се членки на Унијата или не, дали сакаат да ѝ се приклучат или ја напуштиле.

Според некои аналитичари, идејата на Макрон може да биде средство за идните британски влади да ги обноват поблиските односи со ЕУ.

Трас, меѓутоа, кажа дека приоритетите на Велика Британија се зајакнување на улогата на НАТО и Г7, јави Еуроактив.

Извор: МИА

Би можело да ве интересира

Британците повеќе не ја сметаат Германија за сигурен сојузник

Велика Британија: Полицијата нуди 23.000 евра за помош за апсење на напаѓачот од Клепам

Горан Наумовски

(ВИДЕО) Бурата Иша ја погоди Британија, откажани летови, илјадници домови без струја

Хорор во Англија: Пронајдени четири тела во куќа во Костеси

А1он

Ковачевски: Со законот за рестриктивни мерки ќе бидат опфатени наши ентитети, санкционирани од САД и Британија

А1он

Кое оружје го користеа САД и Велика Британија за да ги нападнат Хутите

А1он