Поранешниот американски претседател Доналд Трамп во вторник ќе објави дека е „кандидат за претседателските избори“ во 2024 година, потврди вчера неговиот близок советник.
Трамп претходно навести дека би можел да се кандидира, најавувајќи „голема објава“ од неговиот дом во Флорида.
Содржината на таа објава не предизвика голема неизвесност последните денови.
„Поранешниот претседател Трамп во вторник ќе објави дека е кандидат за претседателските избори. И тоа ќе биде многу професионална, многу уредна најава“, рече неговиот советник Џејсон Милер.
76-годишниот републиканец смета дека прашањето за неговата кандидатура „не треба ни да се поставува“, објасни Милер.
Дури и ако влијанието на Трамп врз Републиканската партија остане непобитно, тој сепак излезе ослабен од среднорочните избори во вторникот, кога многу негови истомисленици потфрлија
Спротивно на тоа, гувернерот на Флорида, Рон ДеСантис, новата ѕвезда на цврстата десница, беше триумфално реизбран. Таа победа го зацврсти неговото место како потенцијален ривал на поранешниот претседател за републиканската номинација.