Трамп тврди дека агенти на ФБИ го пребарале неговиот дом на Флорида

Од:

Поранешниот американски претседател Доналд Трамп изјави дека агенти на ФБИ го пребарале неговиот имот Мар-а-Лаго во Палм Бич, Флорида.

„По работата и соработката со релевантните владини агенции, овој ненајавен упад во мојот дом не беше ниту потребен ниту соодветен“, се вели во соопштението на Трамп.

Трамп не кажа зошто е извршена претресот.

Мар-а-Лаго е „во моментов под опсада, нападнат и окупиран од голема група агенти на ФБИ“, рече Трамп. „Ми провалија дури и во сефот“.

Американското Министерство за правда почна истрага во рана фаза за отстранувањето на официјалните претседателски документи од страна на Трамп во имот на Флорида, изјави извор запознаен со ова прашање во април.

Истрагата доаѓа откако американската Администрација за национален архив и евиденција го извести Конгресот во февруари дека пронашла околу 15 кутии со документи на Белата куќа, вклучително и доверливи материјали, кои Трамп ги однел на својот имот во Мар-а-Лаго.

Надзорниот комитет на Претставничкиот дом потоа објави дека ја проширува истрагата за постапките на Трамп и побара од Националниот архив да обезбеди дополнителни информации. Трамп претходно потврди дека се согласил да врати одредени записи во архивата, нарекувајќи го „обичен и рутински процес“.

Извор: МИА

Би можело да ве интересира

(ВИДЕО) Трамп: Ние сме на работ на третата светска војна

Ана Ололовска

Канаѓанката сакала да го отруе Трамп, и се заканува повеќе од 20 години затвор

Мета ги враќа Фејсбук и Инстаграм профилите на Трамп

Џошуа Кушнер стана побогат од Доналд Трамп

А1он

Трамп и неговите адвокати казнети со речиси еден милион долари за тужба против Клинтон

Ана Ололовска

Трамп побара официјално да се врати на социјалната мрежа

Ана Ололовска