Претседателот на САД, Доналд Трамп побара одложување на претседателските избори закажани за ноември оваа година, информира британски „Би-Би-Си“.
Трамп на својот „Твитер“ профил предложи изборите да се одржат тогаш кога граѓаните ќе можат правилно, безбедно и сигурно да гласаат.
With Universal Mail-In Voting (not Absentee Voting, which is good), 2020 will be the most INACCURATE & FRAUDULENT Election in history. It will be a great embarrassment to the USA. Delay the Election until people can properly, securely and safely vote???
— Donald J. Trump (@realDonaldTrump) July 30, 2020
„Со универзално гласање по пошта (а не гласање во отсуство, што е добро), изборите во 2020 година ќе бидат најизмамничките во историјата на САД. Тоа ќе биде голем срам за државата“, напиша Трамп на „Твитер“.
Соединетите држави претходно објавија дека гласањето треба да се организира по пошта поради пандемијата на коронавирус.
Американската национална телевизија „Си-Ен-Ен“ информираше дека според правниот систем во државата, Трамп нема уставно овластување да ги одложи изборите, но Конгресот може да го стори тоа.