Трамп размислува однапред да ги помилува Доналд јуниор, двете ќерки и зетот советник

Од:

Актуелниот претседател на САД, Доналд Трамп, ја разгледувал можноста однапред да помилува четворица свои блиски, по претходните најави дека тоа се подготвува и за личниот адвокат Руди Џулијани.

Потегот, кој е дозволен, но редок во американската политик, доколку се спроведе, би ги ослободил членовите на семејството на Трамп од кривично гонење сега и во иднина.

„Њујорк тајмс“ дознава дека се работи за Доналд Трамп помладиот, ќерките Ерика и Иванка Трамп и сопругот на Иванка, Џаред Кушнер, советник во Белата куќа.

Трамп помладиот беше под истрага на обвинителот Роберт Малер поради тоа што со Русите споделил штетни информации за Хилари Клинтон, противкандидат на Трамп на претседателските избори во 2016 година.

Кушнер пак, дал лажни изјави на сојузни органи за неговите контакти со странски лица за да добие клиренс (дозвола за пристап до доверливи информации), што сепак го добил, по наредба на претседателот.

Весникот наведува дека Иванка и Ерика пак можат во блиска иднина да станат предмет на истрага за прикривање милиони долари исплати за консултација на компанијата „Организација Трамп“ за избегнување да се плати данок.

Иванка Трамп и нејзиниот сопруг, претседателскиот советник Џаред Кушнер

Се наведува дека по инаугарaцијата на Џо Бајден во јануари, нeговото Министерство за правда може во одмазда да подигне обвиненија против блиските на Трамп, оние кои ја креираа неговата политика изминативе четири години.

Според познавачите, предвремено бланко помилување, еден вид на имунитет од идни обвиненија или осуди, е крајно невообичаена практика во американската политика. Но сепак, има историски преседани.

Претседателот Џорџ Вашингтон, на пример, на тој начин ги ослободил заговарачите на Востанието за виски во 1791 година. Најпознат е примерот кога претседателот Џералд Форд го помилува Ричард Никсон од сите негови незаконски акции како претседател. Додека, пак, Џими Картер, помилува илјадници Американци за незаконско избегнување регрутација за да не бидат пратени на фронтот во Виетнамската војна.

Трамп ја користи својата надлежност за давање милост во случаи кои се поврзани со него лично или за луѓе кои имаат директен пристап до него преку пријатели или семејство.

Би можело да ве интересира

ВИДЕО: Крвав напад со нож во САД, четворица мртви

Трамп започнува необичен бизнис, а партнер му е познат музичар

Горан Наумовски

Акциите на медиумската компанија на Доналд Трамп скокнаа за 50 отсто на отворањето на берзата

Горан Наумовски

САД воведоа санкции за ентитети кои наводно им помагале на Хутите и Хезболах

Трамп би можел да изгуби недвижен имот поради измама

Горан Наумовски

Трамп: Само идиот не би реагирал како Израел на напад на Хамас