Американскиот претседател Доналд Трамп најави дека работи со Конгресот, вклучувајќи и претставници на Демократската партија, за наметнување „силни санкции за Турција“.
– Министерството за финансии е подготвено. Можеби ќе бидат потребни дополнителни закони, но има голем консензус за тоа – напиша Трамп на Твитер.
Трамп изјави дека Курдите и Турција се борат меѓусебно со години и дека Анкара ја смета Курдистанската работничка партија за „најлош терорист од сите“.
– Другите можеби ќе сакаат да се приклучат и да се борат за оваа или онаа страна. Нека се борат. Ние внимателно ќе ја следиме ситуацијата “, напиша Трамп.
Трамп потсети дека пред две години Ирак требаше да се бори против Курдите во друг дел од Сирија.
– Многумина тогаш сакаа да се бориме со Курдите против Ирак. Тогаш реков „не“ и Курдите ја напуштија борбата, двапати. Сега истото се случува и со Турција – напиша Трамп на Твитер.