Трамп не присуствуваше на средбата на Г7 за климатските промени

Од:

Американскиот претседател Доналд Трамп не присуствуваше на разговорите за климатските промени и биодиверзитетот на Самитот на Г7, а домаќинот на средбата – францускиот претседател Емануел Макрон објасни дека неговиот американски колега бил зафатен со билатерални средби.

Макрон рече дека Трамп ги поддржува напорите на лидерите на најразвиените земји да се борат против пожарите во прашумите на Амазонија.

– Тој не беше присутен, но неговиот тим беше тука. Не би требале да го интерпретирате отстуството на американскиот претседател…САД се со нас во однос на биодиверзитетот и иницијативата за Амазон, рече Макрон на прес-конференцијата во Бијариц.

Лидерите на земјите од Г7 постигнаа договор на самитот во Бијариц со 20 милиони долари финансиски да се помогне во напорите за гасење на пожарите во Амазонија.

-Реалноста е дека за итна помош навистина е потребно финансирање, бидејќи нема доволно пари за да се овозможи да полетаат авионите за борба против пожарите, изјави анонимен извор за британските медиуми, што ја потврди бројката од 20 милиони долари.

Би можело да ве интересира

Девојче го нашле мртво во голема цевка, мајката очајна го тужи хотелот

Во Франција засилени безбедносни сили пред сите католички и протестантски цркви за време на Велигден

ВИДЕО: Крвав напад со нож во САД, четворица мртви

Трамп започнува необичен бизнис, а партнер му е познат музичар

Горан Наумовски

Акциите на медиумската компанија на Доналд Трамп скокнаа за 50 отсто на отворањето на берзата

Горан Наумовски

САД воведоа санкции за ентитети кои наводно им помагале на Хутите и Хезболах