Трамп: Ќе го вратиме Претставничкиот дом, ќе го вратиме Сенатот и ќе ја вратиме Америка и тоа наскоро

Од:

На првиот митинг синоќа откако ја напушти Белата куќа, Доналд Трамп ја критикуваше имиграциската политика на администрацијата на претседателот Џо Бајден и ги повика приврзаниците да им помогнат на републиканците да го вратат мнозинството во двата дома на Конгресот.

„Ќе го вратиме Претставничкиот дом, ќе го вратиме Сенатот и ќе ја вратиме Америка и тоа наскоро“, рече Трамп.

Трамп одржа говори на некои митинзи на Републиканците откако ги загуби изборите од демократот Бајден, но митингот во Охајо – држава каде победи на изборите во 2020 година – претставува враќање на масовните митинзи што беа клучни за одржување на поддршката на неговата база.

Трамп ја напушти функцијата по нападот на неговите приврзаници на Капитол на 6 јануари, што се случи кратко по говорот во кој ги повтори тврдењата дека изборите биле украдени.

Тој се уште има големо влијание врз Републиканската партија, делумно затоа што ја остави отворена можноста повторно да се кандидира на изборите во 2024 година, јавија американските медиуми.

Обраќајќи им се на илјадници приврзаници, Трамп направи список со поплаки – со критики за изборите во САД, а особено се фокусираше на зголемениот број имигранти кои влегуваат во САД преку јужната граница.

Враќањето на Трамп на големите митинзи е почеток на јавни настапи во кои поранешниот претседател ги напаѓа републиканците за кои верува дека политички го изневериле.

Би можело да ве интересира

Вашингтон подготвен за протести на приврзаници на Трамп

А1он

Вудворд – Коста: На Трамп во последните денови му биле одземени овластувања за нуклеарни и воени напади

Ана Ололовска

Трамп: Бајден направи најглупав потег во историјата на САД

Ана Ололовска

Тужба против Трамп поради поттикнување напад на Конгресот

Ана Ололовска

Трамп со ново обвинување до Бајден: Повлекувањето од Кабул е најголемото американско понижување во меѓународната политика

Ана Ололовска

Трамп: Бајден да им се извини на Американците за Авганистан

Ана Ололовска