Трамп: Јордан и Израел бараа да не ја повлекувам армијата

Од:

Американскиот претседател Доналд Трамп изјави дека сè уште сака сите американски трупи да се повлечат од Сирија, но оти Јордан и Израел побарале од него дел од единиците да остане во оваа блискоисточна земја.

Трамп пред новинарите во Белата куќа рече дека САД ќе смислат нешто со Курдите во источна Сирија за да се обезбеди пристап до приходите од сириската нафта.

Тој додаде и дека во тој дел од Сирија ќе испрати американска нафтена компанија за да помогне.

Трамп ја објасни својата одлука за повлекување на трупите од Сирија, наведувајќи дека САД никогаш не ветиле дека ќе ги штитат Курдите до крајот на животот и оти тој сака да ја врати дома американската војска.

– Морам да го направам она за што сум избран и морам да го сторам она што сметам дека е правилно, рече Трамп.

Трамп минатата недела соопшти дека околу 1.000 војници стационирани во североисточна Сирија ќе се вратат дома, и оти во базата на југ ќе останат околу 200 лица.

Шефот на Пентагон, Марк Еспер, рече дека ја разгледува можноста еден дополнителен контингент војници да остане во источна Сирија со сириските Курди, со цел заедно да се борат со таканаречената Исламска држава.

Би можело да ве интересира

Експлозија на автомобил-бомба во Сирија, има загинати

Кралот на Јордан: Ќе го земеме земјиштето кое е под закуп на Израел

САД активно се обидуваат да ја убедат Северна Кореја да се врати на преговорите

ВИДЕО: Пожар во близина на студиото „Ворнер Брос“ кај Лос Анџелес

Трамп најави обелоденување на транскрипт од неговиот втор разговор со Зеленски

Трамп: Германија е наш највреден сојузник