Новоизбраниот американски претседател Доналд Трамп ја избра Елис Стефаник, членка на Претставничкиот дом од Републиканската партија за нов амбасадор на САД во Обединетите нации.
„Елис е неверојатно силна личност, пред се паметен борец за Америка“, се вели во денешното соопштение на Трамп.
Кога беше избрана во Претставничкиот дом во 2014 година како кандидат за изборна единица од Њујорк, таа беше најмладата жена законодавец во американската историја и најмладата членка на републиканското раководство во Претставничкиот дом.