Трамп издавал тајни: На Лавров му кажал за операција против Исламска држава, а на Џинпинг за напад на Сирија

Од:

Неодамнешното запленување доверливи владини документи на раскошниот имот во Мар-а-Лаго, поранешната „зимска Бела куќа“, јасно покажува колку безбедносна загриженост претставува поранешниот американски претседател, велат експертите.

dobivaj vesti na viber

Доналд Трамп е под истрага на ФБИ за можни прекршувања на Законот за шпионажа, кој, меѓу другото, спречува споделување доверливи информации на оние кои не се овластени да ги имаат.

На почетокот на мандатот тој наводно спонтано му дал на рускиот министер за надворешни работи Сергеј Лавров високо доверливи информации за операцијата против Исламската држава.

Иако Тајната служба го обезбедува поранешниот претседател и локацијата, нејзините агенти немаат овластување да ги контролираат гостите или членовите на клубот на Трамп.

Министерството за правда не објави каде и како се чувале документите и фотографиите.

Трамп, пак, тврди дека сите документи со кои располага се декласифицирани и дека биле на безбедно место. Агентите на ФБИ од имотот зедоа десетици кутии со документи, вклучително и некои со информации за одбраната.

„Тоа опкружување е кошмар за ракување со високо доверливи информации“, изјави поранешен службеник на американското разузнавање. „Кошмар“, повтори тој.

Добар пример е свечената вечера на Трамп и тогашниот јапонски премиер Шинзо Абе, која беше организирана во 2017 година на огромната отворена тераса во Мар-а-Лаго со многу други гости. Вечерата беше нарушена од севернокорејски ракетен тест, па гостите кои кружеа наоколу можеа да го слушнат и снимат разговорот на Трамп и Абе за контрамерки.

Белата куќа тогаш одлучи да постави безбедна просторија во Ма-а-Лаго за чувствителни разговори. Таму Трамп и неговите соработници одлучија да извршат воздушни напади врз Сирија поради употребата на хемиско оружје.

По донесувањето на одлуката, Трамп се подготви за свечена вечера со кинескиот претседател Си Џинпинг. Издржал до чоколадниот десерт за да не му разјасни на својот кинески колега што има намера да прави.

Би можело да ве интересира

Шолц не очекува потпишување на нуклеарен договор со Техеран во блиска иднина

А1он

ФБИ вратил на Рим мозаик стар 2.000 години

Ана Ололовска

„Гугл“ му ја блокира социјалната мрежа на Доналд Трамп

Горан Наумовски

Трамп тврди дека има информации за сексуалниот живот на Макрон, ги дознал од „тајни“ служби

А1он

Вашингтон пост: Логично е да се дојде до заклучок дека САД се на работ на граѓанска војна

А1он

184 доверливи документи се пронајдени во одморалиштето на Трамп