Трамп го укина посебниот статус на Хонг Конг

Од:

Американскиот претседател Доналд Трамп ја потпиша извршната наредба со која се прекинува специјалниот третман на Хонг Конг, откако Кина го донесе новиот контроверзен Закон за национална безбедност, пренесува Би-Би-Си.

-Хонг Конг сега ќе биде третиран исто како и континенталниот дел на Кина, рече Трамп.

Покрај тоа, тој го потпиша и Законот за воведување санкции за кинеските службеници кои ги прекршуваат правата во Хонг Конг, а Кина на ова порача дека соодветно ќе одговори.

Хонг Конг досега уживаше во уникатната слобода што не се гледаше во Кина, но многу граѓани стравуваат дека новиот закон за безбедност, што беше наметнат од Пекинг, ќе ја поткопа оваа слобода.

Трамп додаде дека неговата извршна наредба ќе стави крај на повластениот третман за Хонг Конг.

-Нема посебни придобивки, нема посебен економски третман и нема извоз на специјални технологии, вели Трамп, кој уште во мај за првпат го најави ваков чекор.

Тој, исто така, им рече на новинарите дека го потпишал Законот за автономијата на Хонг Конг, што американскиот Конгрес едногласно го донесе претходно оваа недела.

-Овој закон на мојата администрација и дава моќни нови алатки за одговорно работење на поединците и субјектите вклучени во гасењето на слободата на Хонг Конг, рече Трамп на прес-конференција, додавајќи дека тој не планира да разговара со кинескиот претседател Си Џинпинг.

Би можело да ве интересира

Девојче го нашле мртво во голема цевка, мајката очајна го тужи хотелот

ВИДЕО: Крвав напад со нож во САД, четворица мртви

Трамп започнува необичен бизнис, а партнер му е познат музичар

Горан Наумовски

Акциите на медиумската компанија на Доналд Трамп скокнаа за 50 отсто на отворањето на берзата

Горан Наумовски

САД воведоа санкции за ентитети кои наводно им помагале на Хутите и Хезболах

Трамп би можел да изгуби недвижен имот поради измама

Горан Наумовски