Американскиот претседател Доналд Трамп го отпушти советникот за национална безбедност на Белата куќа Џон Болтон.
Одлуката ја донел затоа што не се согласувале околу бројни прашања.
Трамп денеска на Твитер соопшти дека ја примил оставката од неговиот советник за национална безбедност, Џон Болтон.
-Изутринава примив оставка од Џон Болтон, откако синоќа го информирав дека неговите услуги веќе не се потребни во Белата куќа. Како јас, така и останати во администрацијата, не се согласувавме со многу од неговите предлози, соопшти Трамп.
….I asked John for his resignation, which was given to me this morning. I thank John very much for his service. I will be naming a new National Security Advisor next week.
— Donald J. Trump (@realDonaldTrump) September 10, 2019
Претседателот му се заблагодари на Болтoн за службата и соопшти дека идната недела ќе именува нов советник за национална безбедност.
Во кулоарите на Вашингтон се говори дека зад оставката, меѓу останатите, стои и државниот секретар Мајк Помпео, кој не се согласувал со многу од политиките што ги заговарал сега веќе поранешниот советник за национална безбедност на претседателот Трамп, конкретно во однос на односите со Северна Кореја или мировните преговори со Талибанците во Авганистан.