Трамп го нарекол Фаучи „катастрофа“ на состанок со својот изборен тим

Од:

За време на конференциски разговор со изборниот тим, американскиот претседател Доналд Трамп упатил остри критики за експертот за заразни болести Ентони Фаучи, велејќи дека тој е „катастрофа“ и дека „луѓето се уморни од Ковид-19“, пишуваат американски медиуми кои се повикуваат на изјави на новинари кои го слушале разговорот.

„Луѓето се уморни од коронавирусот“, рекол претседателот, според новинарите кои го слушнале разговорот. „Луѓето се уморија од слушање на Фаучи и сите тие идиоти“, продолжил Трамп.

Претседателот додал дека Фаучи, кој го раководи Националниот институт за алергија и заразни болести од 1984 година, е „пријатен човек“, но дека тој е „тука 500 години“.

Шефот на државата исто така рекол, без да понуди докази, дека ќе имало 800.000 смртни случаи од коронавирус во САД, ако тој ги следел советите на Фаучи.

„Фаучи е катастрофа“, нагласил Трамп.

Во интервју за американска телевизија, експертот за инфективни болести коментира дека „воопшто не бил изненаден“ што Трамп се заразил со коронавирус затоа што организирал масовни настани со минимални мерки за социјално растојание и носење маски неколку дена пред да се разболи.

Анкетите за јавното мислење покажуваат дека Американците повеќе му веруваат на експертот отколку на претседателот. Една студија од Њујорк Тајмс / Сиена колеџ во јуни покажа дека 67 проценти од Американците имаат доверба во Фаучи како извор на информации за пандемијата. Само 26 отсто го велат истото за Трамп.

Би можело да ве интересира

Рекорден број жени во новиот состав на американскиот Конгрес

Жарко Настоски

Бугарија за в петок најави „комплетно затворање“ на државата поради коронавирусот

Жарко Настоски

Албанија: Најмногу починати од Ковид-19 досега, речиси 800 новозаразени

Жарко Настоски

Познати дел од кандидатите на Бајден за високите државни функции

Жарко Настоски

Во Грција регистрирани 1.388 нови случаи, починаа 84 лица од Ковид-19

Жарко Настоски

Британија од следниот месец ќе дозволи ограничен број гледачи на спортските терени

Жарко Настоски