Еден од лидерите на Демократите во американскиот Сенат, Боб Менендез, соопшти дека администрацијата на претседателот го известила Конгресот за повлекувањето на САД од Светската здравствена организација, одлука што доаѓа во моменти на постојани критики на Белата куќа за работата на ова глобално здравствено тело, јави ДПА.
„Конгресот доби известување дека претседателот официјално ги повлече САД од @СЗО среде пандемијата“, напиша сенаторот Менендез на Твитер, користејќи ја кратенката за претседател на САД (ПОТУС).
Congress received notification that POTUS officially withdrew the U.S. from the @WHO in the midst of a pandemic.
To call Trump’s response to COVID chaotic & incoherent doesn't do it justice. This won't protect American lives or interests—it leaves Americans sick & America alone.
— Senator Bob Menendez (@SenatorMenendez) July 7, 2020
Менедез упати и критика, според него чекорот на Трамп не е правичен со оглед на настанатата ситуација, таквата политика нема да ги заштити животите на Американците ниту нивните интереси туку ќе ги направи болни и осамени, додаде сенаторот.
Американскиот претседател Доналд Трамп во мај најави дека САД ќе се повлечат од СЗО, обвинувајќи ја организацијата за неуспехот во борбата со пандемијата на коронавирусот и дека е марионета на Кина. Притоа тој најави и дека ќе го запре финансирањето на организацијата.