Американскиот претседател Доналд Трамп изјави дека ширењето на коронавирусот во САД е под контрола „колку што е тоа можно“.
„Луѓето умираат, тоа е вистина. Така е како што е. Но, тоа не значи дека не правиме сè што можеме. Тој е под контрола колку што може да се контролира. Ова е ужасна чума“, рече Трамп во интервју за веб-страницата „Аксиос“.
Трамп подоцна во објави на Твитер продолжи да врши притисок училиштата повторно да се отворат и го бранеше справувањето на неговата администрација на вирусот.
Во САД од Ковид-19 досега починаа најмалку 155.000 луѓе.