Трамп: Денуклеаризацијата на Северна Кореја нема рок

Од:

Американскиот претседател Доналд Трамп изјави дека не е поставен рок за денуклеаризација на Северна Кореја, но истата ќе почне „многу брзо“.

– Разговорите продолжуваат и се одвиваат многу, многу добро, истакна Трамп, додавајќи оти „односите се многу добри“. Според него нема „притисок“ ниту рок бидејќи се работи за „процес“.

На средбата на 12 јуни во Сингапур помеѓу Трамп Ким Џонг-ун, севернокорејскиот лидер ја „потврди својата посветеност на целосна денуклеаризација на Корејскиот Полуостров“.

Но, не беше прецизиран начинот на кој тоа ќе се реализира, а деталите се оставени на преговарачите. Месец дена подоцна не е објавен никаков конкретен напредок, а Северна Кореја ги осуди американските „еднострани и алчни барања“.

Администрацијата на Трамп пред Самитот во Сингапур тврдеше дека денуклеаризацијата ќе почне „без одложување“, а потоа дека ќе почне „многу брзо“. Државниот секретар Мајк Помпео на 13 јуни оцени дека суштинското нуклеарно разоружување“ на Северена Кореја ќе се случи до крајот на мандатот на Трамп во 2020 година.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски