Трамп бара судот да му го врати Твитер налогот

Од:

Поранешниот американски претседател Доналд Трамп побара од судот да му го врати неговиот налог на Твитер во обидот да издејствува укинување на трајната забрана за користење на оваа социјална платформа.

Трамп (75) вчера поднесе прелиминарна тужба против Интернет гигантот, барајќи брзо враќање на неговиот налог.

Тој тврди дека Твитер го откажал неговиот профил, што имал околу 80 милиони следбеници, поради притисокот на политичките противници.

На Трамп му беше забрането да ја користи страницата на 8 јануари „поради ризик од натамошно поттикнување на насилство“, соопшти тогаш Твитер.

Тој, исто така, беше исклучен од Фејсбук и ЈутЈуб, откако беше обвинет дека во јануари ги поттикнал своите поддржувачи да се соберат и упаднат во Капитол, во Вашингтон. Одлуката дојде по неговите неосновани обвинувања за измама, во време кога ги загуби претседателските избори од Џо Бајден.

Адвокатите на Трамп изјавија дека неговиот налог на Твитер стана „дигитално градско собрание“ и важен извор на вести и информации за владините работи.

Меѓутоа, „цензурата и претходните ограничувања на налогот на Трамп на Твитер се вонинституционална повреда на слободата на говорот“, се наведува во барањето до судот.

“Земјата нема да има корист од обидите за ограничување на политичкиот говор. Ќе има уште помала корист од обидите за замолчување на политичките говорници”, с дфодава во барањето на правниот тим на Трамп до судот за ослободување на неговиот налог на Твитер.

Би можело да ве интересира

Доналд Трамп доби црн појас во теквондо

Ана Ололовска

Американски сојузен суд го одби барањето на Трамп: Ќе се објавуваат документите што сакаше да ги задржи во тајност

Ана Ололовска

Американскиот Конгрес судски повикува уште шест соработници на Трамп

Ана Ололовска

Трамп најави отворање своја социјална мрежа – „Truth Social“

Ана Ололовска

Трамп криел плаќања на странски влади кон неговиот хотел во Вашингтон

Ана Ололовска

Комисија ќе испитува соработници на Трамп за нападот врз Капитол

Ана Ололовска