Американскиот претседател Доналд Трамп изјави дека администрацијата ќе инвестира повеќе во обука на полицијата и ќе преземе чекори за зголемување на пристапот до капитал за мали бизниси во малцинските заедници.
На тркалезната маса во Далас, претседателот на САД рече дека ќе потпише наредба за да ги охрабри полицајците да се придржуваат кон најсовремените професионални стандарди во врска со употребата на сила. Трамп ја пофали работата за спроведување на законот во целина и ги опиша полициските службеници кои користат прекумерна сила како гнили јаболка.
„Ако на полицајците им се остави да си ја вршат работата, тие прават одлична работа и секогаш имате расипани јаболка, без разлика каде и да одите. Можам да ви кажам дека нема многу во полицијата “.
Според Доналд Трамп, САД не можат да напредуваат ако милиони Американци се идентификуваат како расисти.
„Американците се добри и доблесни луѓе. Ние мора да работиме заедно да се справиме со фанатизмот и предрасудите каде и да се појават. Но, не можеме да напредуваме и да ги лекуваме раните ако вештачки идентификуваме десетици милиони пристојни Американци како расисти или фанатици“.