Томас-Гринфилд: Светот за влакно избегна нуклеарна катастрофа

Од:

Светот за влакно избегна нуклеарна катастрофа, кога избувна пожар за време на рускиот напад врз нуклеарната централа Запорожје во Украина, изјави денеска американската амбасадорка во ОН, Линда Томас-Гринфилд.

Таа побара гаранција од Москва дека таков напад нема да се повтори.

Обраќајќи се на вонредниот состанок на Советот за безбедност на ОН, Томас-Гринфилд истакна дека нападот укажува на „опасна нова ескалација“ на руската агресија против Украина и предупреди дека „непосредна опасност“ сè уште постои, наведувајќи дека руските војници се оддалечени 32 километри од вториот по големина нуклеарен објект во Украина.

Воените операции околу нуклеарните локации се неприфатливи и неодговорни, истакна заменик-генералниот секретар на ОН за политички и мировни прашања Розмари ДиКарло на седницата на Советот за безбедност на ОН.

– Нападите врз нуклеарни постројки се спротивни на меѓународното хуманитарно право. Треба да се направат сите напори за да се избегне катастрофален нуклеарен инцидент, порача ДиКарло на вонредниот состанок на Советот за безбедност на ОН, откако руските сили во Украина ја нападнаа и зазедоа нуклеарната централа во Запорожје.

Извор: МИА

Би можело да ве интересира

Заедно со 14 „Леопарди“, Полска ќе испрати уште 60 тенкови во Украина

А1он

Украина бара повеќе оружје додека борбите во источниот дел на земјата се интензивираат

А1он

Поради руските напади, превентивни исклучувања на струја во Киев, Одеса и Днепропетровск

А1он

200 тенкови испраќаат од Запад: Беа во Босна и Херцеговина и Косово, сега пристигнуваат во Украина

А1он

Украина добива тенкови, сега има ново барање до Западот: „Ова е црвената линија“

А1он

Русите истрелаа повеќе од 30 проектили врз Украина

А1он