Тоа беше неопходно, велат од Кремљ за илјадниците апсења на протестите против Путин

Од:

Официјална Москва денеска соопшти дека апсењето на илјадници луѓе на протестите против затворањето на рускиот опозициски лидер Алексеј Навални е „неопходен одговор“ на власта на овие „непријавени и недозволени собири“.

Прашан за коментар околу грубиот третман кон илјадници притворени, од кои многумина поминаа часови во полициски автобуси и се сместени во преполни ќелии, портпаролот на рускиот претседател Владимир Путин, Дмитриј Песков, рече дека тие мора да одговараат за учество во протести за кои немало дозвола од властите.

– Ситуацијата не беше испровоцирана од органите за спроведување на законот, таа беше испровоцирана од учесниците во несанкционираните акции, истакна Песков.

– Пред се, ова се луѓе кои учествуваа во нелегални активности, нагласи Песков.

Тој рече дека Русија нема да ги слуша критиките на Западот за осудата на Навални и полициската акција против демонстрантите.

– Нема да ги земеме предвид ваквите изјави во врска со спроведувањето на нашите закони против оние што ги кршат и пресудите на рускиот суд, посочи Песков.

Би можело да ве интересира

Русите спречиле терористички напад: ФСБ уапси три лица

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он

140 повредени во терористичкиот напад, полесно повредените добиваат амбулантска нега

А1он

Пендаровски го осуди нападот во московската концертна сала Крокус

А1он

Киев одговори на Русија: Тврдењата за наша вмешаност не заслужуваат ни критика

А1он