Американскиот магазин Тајм го вклучи германскиот канцелар Олаф Шолц на својата листа на 100 највлијателни луѓе во 2023 година.
Тајм за Шолц, вклучен во категоријата на највлијателни лидери, наведува дека руската инвазија на Украина ја прогласил за „епохална пресвртница“ и ветил дека Берлин ќе биде на ниво на ситуацијата.
„Иако Берлин не секогаш дејствувал брзо од почетокот на војната, Шолц почна да го прави она што го ветил“, пишува американскиот магазин.
„Во изминатата година, Германија го промени својот повоен пацифизам, ги зголеми своите воени трошоци (иако помалку од најавените) и стана еден од најголемите добавувачи на оружје на Украина“, се вели во написот.
Германија, исто така, ја намали својата голема зависност од руските енергетски извори, брзо преминувајќи кон обновливи извори и покрај стравувањата дека тоа може да се покаже скапо и проблематично, пишува dpa.
„Живеејќи во Германија не можете да избегате од катастрофите од првата половина на 20 век предизвикани од Германија“, магазинот го цитираше Шолц минатата година.
„Тоа е дел од сите работи што ги правиме политички и тоа е во мојот ум затоа што имаме историска одговорност да помогнеме да се обезбеди мир“.
Меѓу другите значајни луѓе кои се нови на списокот на Тајм е и Еван Гершкович, притворениот известувач на Волстрит журнал во Москва. Доколку биде осуден за шпионажа, може да се соочи со затворска казна до 20 години.