Белоруската опозиционерка Светлана Тихановскаја денеска изјави дека властите го тепаат и малтретираат притворениот новинар Роман Проташевич в затвор.
Адвокатот кој ги посетил Проташевич и неговата девојка Софија Сапега истакна дека тој е добро, но Тихановскаја пред новинарите во Талин изјави дека е сигурна оти „го тепаат и малтретираат“.
Белоруските власти претходно демантираа дека Проташевич е малтретиран.
Авион на компанијата „Рајанер“, кој сообраќаше на релација Атина – Вилнус, принудно беше приземјен во Минск на 23 мај поради наводна дојава за бомба. Притоа, белоруските власти ги уапсија Проташевич и неговата девојка Софија.