Тиери Бретон, европскиот комесар за конкуренција: Брегзит е „трагедија“

Од:

Брегзит е „трагедија“ која Британија, сега исто така соочена со нов многу заразен вид на коронавирус, ја лишува од помошта што Европската унија може да ја пружи. Тоа го изјави денеска европскиот комесар за конкуренција Тиери Бретон.

– Искрено, се случува трагедија во Велика Британија, тој брегзит е трагедија. Ние тоа го гледаме секој ден се повеќе, и длабоко жалиме за таа одлука иако ја почитуваме, бидејќи британскиот народ е, се разбира, суверен, изјави Бретон за БФМ Бизнис .

– Доколку Обединетото Кралство одлучеше да остане во Европската унија, денес, како и сите земји на Унијата, ќе имаше 30, 40 и 50 милијарди евра и можеше да и се помогне бидејќи на сите ќе ни се помогне со пари од Фондот за обновување „ЕУ следна генерација“.

– Но,Велика Британија се лиши себеси од тие пари, нагласи Бретон.

Планот за закрепнување од 750 милијарди евра треба да се спроведе во 2021 година, а првите исплати се очекуваат до крајот на првиот квартал.

– И, конечно, се случува брегзит што никогаш не завршува, што и да излезе од тоа Велика Британија ќе изгуби, секако дека сакам да заврши со договор и се надевам дека ќе имаме договор на крајот, но колку време изгубивме, колку талкање и конечно зошто сето тоа, изјави тој.

Би можело да ве интересира

ВИДЕО: Договорен е протоколот за Северна Ирска, познати првите детали

Ана Ололовска

Џон Мејџор: Излегувањето на Британија од ЕУ беше голема грешка

Ана Ололовска

Градоначалникот на Лондон: Брегзит не функционира

А1он

Две третини од Британците сакаат референдум за повторно пристапување во ЕУ

Се повеќе Британци мислат дека Брегзит е грешка

Горан Наумовски

Лондон иницира еднострана промена на статусот на Северна Ирска по Брегзит

Ана Ололовска