Во тек е меѓународна потрага по маж кој е поврзан со смртта на жена чие тело е пронајдено во куфер во западен Лондон.
Телото на Џоана Борукa (41) е пронајдено во хостел на 18 декември, повеќе од еден месец откако последен пат била видена жива, пренесува Би-Би-Си.
Детективите велат дека треба итно да разговараат со 50-годишниот Петрас Залинас, литвански државјанин, за кој се верува дека е во Германија.
Англиската полиција соопшти дека соработува со европски колеги во обид да се лоцира Залинас.
Борука, која е од Полска, последен пат е видена живa на 13 ноември, минатата година. Нејзиното тело било пронајдено откако соседите пријавиле смрдеа која траела скоро две недели.
Според извештаите на медиумите, нејзиното тело било ставено во куфер, а причината за смртта сè уште не е позната.
Полицијата апелираше до литванската заедница да им помогне да го лоцираат Залинас.