Телата на мноштво жртви од коронавирусот плутаат по реката Ганг во Индија

Од:

Делумно скриени од долгите трски, мноштво тела прекриени со крпи тивко плутаат по светата река Ганг, како потсетник за тоа како жестокиот бран на коронавирусот ги преплави индиските болници и крематориумите.

Илјадници семејства во северна и источна Индија ги предаваа телата на нивните блиски на реката или ги закопуваа во плитки гробници на брегот од реката, бидејќи немаа со што да ги платат погребните кремирања во екот на чумата во април и мај.

Меѓутоа, почетокот на сезоната на монсунски дождови предизвика силни струи долж пловниот пат долг 2.500 километри, што исфрлија некои од телата што беа закопани на брегот.

Официјални лица во Алахабад, еден од најсветите хиндуистички градови, каде милиони лица присуствуваат на погребните обреди, соопштија дека во текот на изминатите три недели кремирале речиси 150 тела што плутале низ реката. Купишта дрва за погребни кремирања се наредени крај насипите, во очекување нови лешеви да се појават низ реката.

Кога новинарите на француските меидуми ги посетија околните области, десетици делумно потопени трупови биле видени во реката. Официјални лица проценуваат дека околу 600 тела биле закопани крај Ганг за време на наездата на заразата. Но, локалното население верува дека ова е само мал дел од реалната бројка и стравуваат дека во следните недели, брзите води може да исфрлат повеќе тела од плитките гробови на песочните брегови. Слични проблеми имаат и другите поголеми верски центри во северна Индија, како што е верскиот центар Варанаси.

Локалните жители стравуваат дека труповите, доколку не бидат отстранети, ќе бидат опасни за натамошно загадување на еден од најзагадените водни патишта во светот.

-Ова може да предизвика опасни болести, изјави Дипин Кумар, кој живее во близина на Ганг во Алахабад.

Полицијата патролира по реката и трага по телата. Поставени се два брода крај брегот за да ги извлекуваат трупови, понекогаш со помош на локални рибари, иако тие немаат многу успех во последните денови.

-Протокот е многу брз и тешко е да се извлечат телата, изјави полициски службеник.

Би можело да ве интересира

ВИДЕО: Обвинет за убиство во Индија, во судница погубен од напаѓачи маскирани како адвокати

Бајден: Пандемијата на невакцинираните мора да престане, невакцинираните ја загрозуваатт економијата

А1он

Норвешка ги укинува сите ограничувања воведени поради пандемијата на Ковид-19

А1он

Во Русија најмногу починати од Ковид-19 за еден ден

Ана Ололовска

СЗО препорача коктел од антитела против Kовид-19

Ана Ололовска

Осум грчки региони во црвената зона со полициски час и забрана за музика во угостителските објекти

Ана Ололовска