Талибанците подготвени за прекин на огнот поради коронавирусот

Од:

Талибанците денеска објавија дека се подготвени да прогласат прекин на огнот во сите делови на Авганистан што ги контролираат доколку се  шири коронавирусот.

Талибанците ја објавија својата одлука по вчерашниот апел на Советот за безбедност на ОН, во кој ги повикуваат сите спротивставени авганистански фракции веднаш да го почитуваат барањето на генералниот секретар на Светската организација и со прекин на огнот да одговорат на пандемијата и да дозволат испорака на хуманитарна помош во загрозените области.

Тие ветија дека ќе им гарантираат безбедност на здравствените и хуманитарните работници кои доаѓаат да помогнат во области под талибанска контрола.

Во Авганистан има 196 потврдени случаи на Ковид-19, и 24 смртни случаи.

Стравувајќи од ширењето на заразата Владата затвори неколку градови на почетокот од неделата.

Особено се стравува за околу 200.000 Авганистанци кои неодамна се вратија од Иран, каде беснее епидемија на вирусот.

Би можело да ве интересира

Дневен преглед на состојбата со Ковид-19 во светот

Ана Ололовска

Владата во Шпанија сака последен пат да обезбеди продолжување на вонредната состојба

Ана Ололовска

Германија: Во изолација 160 луѓе по учество во приватни собири, едно лице во критична состојба

Ана Ололовска

Во Аргентина протест против мерките за сузбивање на епидемијата

Ана Ололовска

Строг карантин за населба во Богота

Ана Ололовска

Санчез бара продолжување на вонредната состојба до 21 јуни

Ана Ололовска