Талибанците ја обвинија авганистанската Влада за повторно апсење на ослободените затвореници

Од:

Канцеларијата за врски на талибанците во Доха доцна синоќа ја обвини авганистанската Влада за апсења на претходно ослободените затвореници од нивните редови, јави ДПА.

Авганистанската Влада досега ослободи повеќе од 4.000 талибански затвореници, а милитантите ослободија над 700 затвореници во рамките на американско-талибанскиот договор за размена на затвореници, чија цел беше да се отвори патот за мировни преговори меѓу Авганистанците.

Портпаролот на талибанците, Сухаил Шахин, додава германската агенција, синоќа на Твитер напиша дека авганистанската разузнавачка агенција, Националната управа за разузнавање (НДЦ) спровела изненадувачки операции против ослободените милитанти.

Тој напиша дека администрацијата во Кабул ќе „сноси одговорност за последиците“ доколку притворањата не престанат.

Шахин, исто така, соопшти дека ослободените затвореници се придржувале до упатствата на авганистанската Влада да останат дома и да не се враќаат на боиштата.

Но, портпаролот на авганистанскиот советник за национална безбедност, Хавид Фајсал, денеска изјави дека голем број ослободени затвореници се вратиле на бојното поле.

Фајсал, исто така, ги отфрли тврдењата на Талибанците дека имало операции за повторно апсење на ослободените затвореници, пренесе ДПА.

Би можело да ве интересира

Силен земјотрес го погоди Авганистан

Османи на дискусија за поддршка на бранителите на демократијата од Авганистан: Македонија покажа одговорност кога тоа беше најпотребно

Орце Костов

Нов силен земјотрес го погоди западниот дел на Авганистан

Силен земјотрес е регистриран во Авганистан, на границата со Таџикистан

Силен земјотрес го погоди Авганистан

Талибанците го прогласија за национален празник денот кога замина последниот американски војник