Талибанците им ја отсекле десната рака и левата нога на двајца телохранители, кои работеле за меѓународните сили во Авганистан, пренесоа француските медиуми, повикувајќи се на полициски извор.
Исламистичките бунтовници, во изјава „закачена“ на нивниот сајт, ја презедоа одговорноста за ѕверството, извршено во западната провинција Херат.
Одлуката била донесена од талибанските „судии“ и извршена во четвртокот.
Двајцата телохранители одговарале за безбедноста на странските војници во Херат, а ги придружувале нивните конвои.