Во Сиера Леоне, Либерија и Нова Гвинеја од 3 јули досега се забележани 50 нови случаи на заразени од ебола, а 25 лица починале како последица на заболување од овој вирус, соопшти денеска Светската здравствена организација (СЗО), додавајќи дека болеста продолжува да се шири.
СЗО наведува дека последните податоци на министерствата за здравство во трите земји покажуваат дека од февруари, кога започнала епидемијата, регистрирани се 844 заразени лица, како и 518 смртни случаи.
Портпаролката на СЗО, Фадела Чаиб изјави дека зголемувањето на бројот на заболените покажува дека вирусот најчесто се пренесува на членовите од семејството кои се грижат за болниот, како и при подготовките за погребите на починатите поради локалните обичаи.
Смртоносната ебола предизвикува дијареа и повраќање, слабеење на бубрезите и функцијата на црниот дроб, а може да предизвика и надворешно и внатрешно крварење.