СЗО регистрира пад на новите случаи на Ковид-19 во светот

Од:

Бројот на нови случаи на Ковид-19 во светот и во текот на изминатата недела продолжи да опаѓа, кога на глобално ниво беа пријавени 3,6 милиони нови инфекции, во споредба со четири милиони новозаразени претходната недела, соопшти денеска Светската здравствена организација (СЗО).

Минатонеделниот пад на новозаразените случаи е прво значително намалување за повеќе од два месеци. Бројот на нови случаи на Ковид-19 е намален во секој регион во светот.

Во најновиот извештај за пандемијата објавен вчера, СЗО соопшти дека најголем пад на бројот на нови случаи е забележан во два региони – 22 проценти на Блискиот Исток и 16 проценти во Југоисточна Азија.

Здравствената агенција на ОН изјави дека минатата недела имало нешто помалку од 60.000 смртни случаи од коронавирус, што е за седум проценти помалку од претходната недела. Југоисточна Азија објави пад на бројот на починати од Ковид-19 од 30 проценти, а регионот на Западен Пацифик за седум проценти.

Најголем број нови случаи на инфекција се пријавени во САД, Индија, Велика Британија, Турција и Филипините.

СЗО соопшти дека делта сојот, што се шири побрзо, сега е регистриран во 185 земји и е присутен во секој дел од светот.

Би можело да ве интересира

СЗО: Безбедна е истовремената употреба на вакцините против Ковид-19 и грип

СЗО: Ковид-19 досега предизвика смрт на 80.000 до 180.000 здравствени работници во светот

А1он

СЗО пандемијата со Ковид-19 ќе трае и во 2022 година

Ана Ололовска

Од почетокот на пандемијата со коронавирус се заразиле повеќе од 240 милиони луѓе

СЗО испраќа експерти во Конго да ја спречат сексуалната експлоатација

А1он

СЗО: Повторно расте бројот на смртни случаи од туберкулоза поради ковид

А1он