СЗО: Првпат после неколку години, се зголемува бројот на заболени од туберкулоза

Од:

Бројот на заразени со туберкулоза, вклучително и сојот на туберкулоза отпорн на лекови, е зголемен во светот за првпат по неколку години, се вели во извештајот што денеска го објави Светската здравствена организација (СЗО).

Во извештајот се посочува дека повеќе од 10 милиони луѓе во светот биле заразени од туберкулоза во 2021 година, што е зголемување за 4,5 проценти во споредба со претходната година. Починале околу 1,6 милиони луѓе, се наведува во соопштението.

СЗО соопшти дека околу 450.000 случаи вклучувале лица заразени со ТБ отпорна на лекови, што е три отсто повеќе отколку во 2020 година.

Пандемијата Ковид-19 ги ​​наруши услугите за луѓето со туберкулоза, заедно со многу други здравствени програми. СЗО соопшти дека многу луѓе останале недијагностицирани, истакнувајќи дека бројот на новоидентификувани лица со туберкулоза паднал од седум милиони во 2019 година на 5,8 милиони во 2020 година.

Мел Шпигелман, претседател на непрофитната организација „ТБ Алијанса“, рече дека во 2020 година е изгубена повеќе од една деценија напредок.

„И покрај напредокот во областите како што е превентивната терапија, ние сè уште заостануваме со речиси секое ветување и цел поврзани со туберкулозата“, рече Шпигелман.

По Ковид-19, туберкулозата е најсмртоносната заразна болест во светот. Таа е предизвикано од бактерии кои обично влијаат на белите дробови. Микробите најчесто се пренесуваат од човек на човек преку воздухот, на пример кога заразено лице кашла или кива.

Најмногу ги погодува возрасните, особено оние кои се неухранети или имаат други состојби како ХИВ, а повеќе од 95 проценти од случаите се во земјите во развој.

Според извештајот на СЗО, само едно од трето лице со туберкулоза отпорна на лекови се лекува.

– Туберкулозата отпорна на лекови може да се лекува, но алармантно е што бројот на случаи се зголемува за првпат по неколку години, изјави Хана Спенсер, која е во организацијата Лекари без граници во Јужна Африка.

Спенсер повика на намалување на цената на лекувањето на туберкулозата, за комплетниот курс на лекување да не чини повеќе од 500 долари.

Украина имаше една од најлошите епидемии на туберкулоза во светот дури и пред Русија да ја нападне земјата кон крајот на февруари. Здравствените експерти стравуваат дека неможноста на пациентите да добијат третман може да го поттикне порастот на туберкулозата отпорна на лекови во целиот регион.

Иако пациентите со туберкулоза раселени поради војната можат да побараат нега насекаде во Украина, земјата забележа недостиг на клучни лекови и властите се соочуваат со предизвици во следењето на пациентите.

Извор: МИА

Би можело да ве интересира

СЗО објави публикација со листа на лекови кои треба да се подготват во случај на нуклеарен напад

Извршниот директор на фондацијата Гејтс најави најголем годишен буџет досега

А1он

На 27 јануари седница на СЗО за оправданоста на вонредната здравствена ситуација поради Ковид-19

А1он

СЗО: Порастот на заразени во Кина не би требало да има поголемо влијание врз Европа

А1он

СЗО бара од Кина точни и реални податоци за заразени со коронавирусот

СЗО: Климатските промени ја поттикнуваат колерата низ светот

Ана Ололовска