СЗО: Омикрон е регистриран во 38 земји, засега нема смртни случаи

Од:

Новата варијанта на коронавирус – Омикрон е идентификуван во 38 земји ширум светот, но досега не се пријавени смртни случаи, соопшти Светската здравствена организација (СЗО).

– Немам никакви информации за смртни случаи поврзани со Омикрон, рече портпаролот на СЗО Кристијан Линдмаер во.

Шефица на техничкиот тим во одделот за итни случаи на СЗО Марија Ван Керхове информира дека Омикрон е регистриран во 38 земји.

СЗО соопшти дека потребни се неколку недели за да се добие попрецизна слика за потенцијалното влијание на Омикрон, за да се одреди степенот на заразност, јачината на вакцините, како функционираат тестовите и третманите.

– Прелиминарните податоци се чини дека укажуваат на поголема зараза, а тоа е главно сè што знаеме досега, рече Линдмаер.

Директорот на СЗО за итни ситуации Мајкл Рајан рече дека организацијата ќе ги добие одговорите што му се потребни на светот.

– Сега треба да имаме доверба во науката, да бидеме трпеливи и да не се плашиме. И засега не е неопходно да се менуваат вакцините што ги користиме, рече Рајан и апелираше до луѓето да се вакцинираат.

Сепак, тој додаде дека сега се прави многу за да се види како тие вакцини би можеле да се променат доколку треба да се променат.

Новата варијанта на вирусот, која СЗО го опиша како загрижувачка, првпат беше пријавена во јужна Африка на 24 ноември.

Иако првите инфекции надвор од јужна Африка беа главно поврзани со луѓе кои патуваа во регионот, во САД и Австралија се појавија првите случаи на локално пренесување.

СЗО процени дека е „голема“ веројатноста Омикрон да се прошири на глобално ниво, иако остануваат многу непознаници.

Портпаролот на СЗО потсети дека денес најголем број случаи на Ковид-19 се предизвикани од варијантата Делта.

– Рестрикциите воведени во многу земји пред само две недели беа воведени поради зголемениот број случаи поврзани со Делта варијантата, не треба да го заборавиме тоа, рече портпаролот на СЗО.

Би можело да ве интересира

Марш против мерките за вакцинација во Вашингтон

Ана Ололовска

ВИДЕО: Ескалираа масовните протести во Брисел против мерките, „летаа“ факели и солзавец

Ана Ололовска

12.159 новозаразени во Србија

Ана Ололовска

Русија регистрираше рекордни 63.205 случаи

Ана Ололовска

7.095 нови случаи на инфекција со коронавирусот во Хрватска

Ана Ололовска

Во Германија планираат нова кампања за вакцинација

Ана Ололовска