Светската здравствена организација денеска објави дека минатата недела е забележано големо зголемување на инциденцата на коронавирус во Европа, односно дека се потврдени повеќе од 927.000 случаи.
Во својот последен извештај, СЗО наведува дека бројот на нови случаи е зголемен за 25 проценти во последната недела, односно дека новите случаи во Европа сочинуваат 38 проценти од сите нови случаи пријавени ширум светот.
Како што се наведува, повеќе од половина од случаите во Европа ги бележат заедно Русија, Чешка и Италија.
СЗО потенцира и дека и бројот на смртни случаи во Европа продолжува да расте и е за една третина повисок од претходната недела.
Агенцијата за здравство на ООН соопшти дека бројот на нови случаи во Словенија е зголемен за 150 проценти во однос на од претходната недела, со нови 4.890 случаи.