СЗО: Еболата се шири во западно Конго

Од:

Еболата се шири во западниот дел на Демократска Република Конго со речиси 50 познати случаи низ целиот регион долж границата со Република Конго и Централноафриканската Република, соопшти Светската здравствена организација (СЗО).

-Во екот на пандемијата на коронавирусот важно е да не ги губиме предвид другите болести што се појавуваат, вели извршниот директор за операции на СЗО, Мајк Рајан.

Откако властите на 1 јуни ја прогласија епидемијата досега се потврдени 48 случаи во провинцијата Екватор, уште три се суспектни, а вкупно се умрени 20 лица, изјави Рајан.

-Ова е многу активно жариште и јас би рекол дека имаме големи причини за загриженост, им изјави Рајан на новинарите, пренесува Хина.

Станува збор за голема географска област, која вклучува дел од реката Конго и во неа луѓето минуваат долги растојанија и заедниците се многу поврзани.

-Сите ги предупредувам дека сега, кога бројките се се уште мали, во екот на Ковид-19, многу е важно да не ги губиме предвид другите болести што се појавуваат, рече Рајан.

Тој потсети на одделните жаришта во провинциите Северна Киву и Итури, во источно Конго, каде во мај што беше прогласен крајот на епидемијата на ебола. Во овие области досега се потврдени 3.463 случаи, а веројатно за две години починале 2.277 лица.

Би можело да ве интересира

СЗО одобри испитување на африканските растителни лекови за Ковид-19

Ана Ололовска

СЗО: Бројот на заразени во Европа над пикот од март

Ана Ололовска

СЗО: Во Европа сега има повеќе нови случаи на Ковид-19 отколку во март

А1он

СЗО повикува за подобра заштита на здравствените работници во време на падемијата

Ана Ололовска

СЗО: Ковид-19 се шири со невидена брзина со наближување на зимата

Ана Ололовска

СЗО: Следната пандемија ќе биде опустошителна

Ана Ололовска