Светот е на пат да се самоуништи, предупреди Папата

Од:

Папата Франциск денеска предупреди дека светот е „на пат кон самоуништување“ доколку политичките лидери не успеат храбро да ја искористат пандемијата на Ковид-19 како „шанса да ја направат планетата поправедно и позелено место“.

Од неговиот избор во 2013 година, папата повеќепати зборуваше за потребата од заштита на животната средина, а денеска објави две видеопораки, едната по повод Денот на планетата Земја, а другата за Самитот за климатски промени, чиј домаќин е американскиот претседател Џо Бајден.

Во пораката објавена за Светскиот ден на планетата Земја, папата Франциск истакна дека политичките лидери имаат можност подобро да излезат од оваа ситуација по научените поуки за социјалните неправди откриени за време на пандемијата на коронавирусот.

– И глобалните катастрофи, ковидот и климата, покажуваат дека немаме време за губење. Времето не притиска и, како што покажа коронавирусот, ние имаме средства да одговориме на предизвикот. Имаме средства. Време е за споделување, ние сме на граница, нагласи поглаварот на Римокатоличката црква.

Тој додаде дека неволјите со кои се соочи човештвото во пандемијата треба да ги охрабрат лидерите да тежнеат кон иновации и пронајдоци со цел подобро да ја заштитат планетата.

Папата апелираше до „сите лидери во светот да се однесуваат храбро, да постапуваат чесно и секогаш да им ја кажуваат вистината на луѓето, за да можат луѓето да знаат како да се заштитат од уништување на планетата и како да ја заштитат планетата од уништување кое многупати сме го иницирале“.

Настанот, кој треба да ги врати САД на позицијата светски лидер во борбата против климатските промени откако поранешниот американски претседател Доналд Трамп се повлече од Парискиот климатски договор, папата Франциск го оцени како „прекрасен“. Тој го критикуваше Трамп поради повлекувањето и ја поздрави одлуката на Вашингтон и сегашната администрација на Бајден да се вратат во договорот.

Би можело да ве интересира

Научниците изненадени од брзината на климатските промени: поплави, тропски горештини, пожари и суши

Папата добро закрепнува по операцијата, наодите му се уредни

Жарко Настоски

Папата Франциск примен во болница, чека операција

Катерина Павлова-Николовска

Папата Франциск во септември во посета на Унгарија и на Словачка

Челниците на УЕФА појдоа на баци-рака кај Папата пред Европското првенство

Жарко Настоски

Папата Франциск на средба со канадски кардинали за случајот со домородните деца