Студија: Живееме во период на најголеми поплави од реки во изминатите 500 години

Од:

Во изминатите три децении Европа е опустошена од најголеми поплави од реки во последните пет века, според студија на Универзитетот во Виена, во која учествуваа 34 истражувачки тимови од различни делови на Европа.

Истражувањето покажува дека карактеристиките на поплавите се разликуваат од оние од претходните векови во однос на волумен, температура на воздухот и сезоната, пишува во написот објавен во списанието „Природа“.

На многу места поплавите се поголеми за разлика од порано, временскиот интервал е променет, а односот помеѓу поплавите и температурата на воздухот е обратен.

Во денешницата глобалното затоплување е еден од главните двигатели на порастот на поплавите, додека во минатото се случувале почесто во студените периоди.

За студијата беа анализирани десетици илјади историски документи што содржат извештаи за поплави од 1500 година до 2016 година.

Анализата на податоци идентификуваше девет периоди со чести поплави и подрачја каде се случувале поплавите.

Се издвојува периодот од 1560 до 1580 година во Западна и Централна Европа, периодот од 1760 до 1800 година во најголемиот дел од Европа, периодот од 1840 до 1870 година во Западна и Јужна Европа и периодот од 1990 до 2016 година во Западна Европа. и Централна Европа.

Годишната штета од поплави на реките во светот се проценува на повеќе од 100 милијарди долари и продолжува да расте.

Би можело да ве интересира

ВИДЕО: Големи поплави во Кина, стотина жители на провинцијата Гансу заробени на покривите, чекаат да бидат спасени

Горјан Грнчаровски

Истрага на грчкото Обвинителство за поплавите на Евија

А1он

Во поплавите и невремето на грчкиот остров Евија загинаа две лица

А1он

Дирекција за заштита и спасување: Граѓаните да не се движат покрај реките и речните брегови

А1он

Во источна Кина највисоко ниво на тревога поради поплави

Ландов

Најмалку 16 загинати во поплавите на југот на Јапонија

А1он