Студија во Израел: Секое 11-то дете кое било позитивно на коронавирус, сега искусува долгорочни ефекти од Ковид-19

Од:

Речиси секое 11-то дете кое било позитивно на коронавирус, сега искусува долгорочни ефекти од Ковид-19, се вели во студијата на израелското Министерство за здравство.

Сепак, таа бројка исклучително се намалува по неколку месеци. Тешката форма на коронавирус е почеста кај возрасните, но нема доволно информации за ефектите на вирусот врз младите луѓе, кои се повеќе склони кон сериозни компликации, соопшти Министерството.

Телефонското истражување спроведено во јуни собра податоци од родителите на 13.834 деца на возраст од 3 до 18 години кои закрепнале од Ковид-19. Тие беа прашани дали децата покажуваат преостанати симптоми, како што се проблеми со дишењето, летаргија и губење на мирис и вкус. Заостанати симптоми се пријавени кај 11,2 проценти од децата. Оваа бројка се намали на 1,8-4,6 проценти шест месеци по акутната форма на болеста.

Студијата не вклучува податоци за ефектот на вакцинацијата. Израел неодамна дозволи вакцинација на деца над 12 години. Вакцинацијата на оние над 15 години е дозволена со месеци. Една неодамнешна британска студија покажа дека едно од седум деца може да покаже симптоми поврзани со коронавирусот, неколку месеци откако ќе има позитивен тест за коронавирус.

Би можело да ве интересира

Шведска го продолжи прекинот за употреба на вакцината на Модерна кај младите

А1он

Русија ја идентификуваше новата варијанта на коронавирусот, која е позаразна од Делта

А1он

СЗО: Ковид-19 досега предизвика смрт на 80.000 до 180.000 здравствени работници во светот

А1он

Кон: Мораме порано да ги отпуштаме пациентите за нов кревет, ковид пропусниците не се доволни

Ана Ололовска

СЗО пандемијата со Ковид-19 ќе трае и во 2022 година

Ана Ололовска

Спортските натпревари во Грција со зголемен број гледачи

Ана Ололовска