Пациентите со коронавирус кои не се хоспитализирани имаат мал ризик од сериозни, долгорочни ефекти од заразата, но кај нив е забележан поголем број посети на лекари по општа медицина по болеста, покажа студија објавена во списанието „Лансет заразни болести“ (The Lancet Infectious Diseases).
Истражување спроведено во Данска покажало дека постои мал ризик од сериозни компликации по инфекцијата кај пациенти кои не морале да бидат примени во болницата.
Сепак, овие пациенти имаат зголемен број посети на општи лекари и тоа може да биде последица на Ковид-19.