Еден британски студент многу се израдувал кога добил 46 „подароци“ од онлајн американскиот дистрибутер Амазон кој дозволил момчето да ги задржи вредните пакети упатени до него по грешка, јавија денеска британските таблоиди.
Студентот Роберт Квин (22) позираше за списанието „Сан“ заедно со подароците вредни 4.500 евра, меѓу кои се таблет, лаптоп, телевизор со тродимензионална слика (3Д) и конзоли за игра.
Пакетите биле наменети за еден магацин во Амазон во Британија, но поради технички грешки во адресата, пакетот стигнал кај Квин во Бромлиј, Лондон.
– Им пишував три пати на Амазон, кој ја откри грешката, но наведе дека може да останат за мене пакетите како божикен подарок, рече Квин и додаде дека ќе ги сочува подароците кои му се интересни, а другите ќе ги подели на добротворните организации.