Скоро цел Киев има вратена струја четири дена по разорниот напад на градската инфраструктура, објави воената администрација во главниот град на Украина.
Во најголем дел функционира струја, вода, парно и мобилна телефонија, порачано е преку апликацијата Телеграм. Завршните работи на електричната мрежа продолжуваат, но можни се локални прекини поради големата потрошувачка.
Градоначалникот на Киев, Виталиј Кличко, кој беше критикуван од претседателот Володимир Зеленски за пребавно враќање на услугите, рече дека работата продолжува со рекордно темпо.