Тајландските власти ги предупредија сопствениците на кучиња, да посветат поголемо внимание на своите миленици, бидејќи е забележан пораст на кражба на овој вид домашни животни, од чија што кожа крадците прават ракавици за голф, паричници или облека.
Голем број случаи се забележани на границата со Лаос, каде што се пронајдени коски од кучиња.
Власите напоменуваат дека убиените кучиња, крадците ги носат во Кина и Виетнам каде што се наоѓаат фабрики за изработка на опрема за голф. Покрај тоа месото се користи за изработка на паричници и некои делови од гардероба, како што се капи.
-Кожата се избелува и потоа преку шверцерски канали се префрла до фабриките за опрема за голф. Исто така таа се користи и за изработка на некои музички инструменти, како што се тапаните, вели Ламал Саколпитак од специјалната полиција.
Тој додава дека и покрај тоа што на Тајланд има голем број кучиња скитници, крадците сепак ги крадат кучињата кои што се домашни миленици, бидејќи нив полесно можат да ги фатат. Има примери, во кои луѓето ги продаваат своите кучиња на шверцери по цена од 10 долари.
Е. Г.