Поранешната порно актерка Сторми Даниелс го поздрави обвинението против поранешниот американски претседател Доналд Трамп и им се заблагодари на своите поддржувачи за поддршката.
– Ви благодариме на сите за поддршката и љубовта! – напиша Даниелс на Твитер.
Таа изјавила дека добива толку многу пораки што нема време да одговори и се пошегува дека исто така не сака да го истури шампањот.
Нејзиниот адвокат Кларк Брустер изјави за Си-Ен-Ен дека ја споделил веста за обвинението против Трамп со својот клиент и дека Даниелс не била изненадена.
Тој изјави дека на Даниелс сега и олеснало.
– Тоа е навистина борба против неговото отфрлање на вистината и неговото создавање приказни – тврди Брустер.
Брустер рече дека обвинението не треба да биде причина за славење.
– Нека надвладеат вистината и правдата – рече Брустер.
Поранешниот американски претседател Доналд Трамп е обвинет во врска со наводите дека за време на претседателската кампања во 2016 година и платил на порно актерката Сторми Даниелс за дискреција во врска со нивната наводна афера, потврди правниот застапник на Трамп, Џо Такопина.
Адвокатот на поранешниот американски претседател изјави за АП дека големата порота, која се состанувала со месеци, се согласила да го обвини Трамп.
Конкретните обвиненија засега се непознати.