Столтенберг: НАТО поприсутно на Блискиот исток со согласност на државите од регионот

Од:
Барањето на американскиот претседател Доналд Трамп за зголемено присуство на НАТО на Блискиот исток не е изненадувачко, изјави денеска генералниот секретар на Алијансата, Јенс Столтенберг.
Тој на прес конференција кажа дека разговорите за ова прашање штотуку се почнати и бараат постигнување едногласност и затоа засега се воздржува од прогноза како тие ќе завршат.
„Зголемувањето на нашето присуство во регионот наметнува согласност од државите што се таму, а тоа ќе одземе време“, забележа Столтенберг.
Тој прецизираше дека НАТО располага со можности да одговори на барањето на Вашингтон.

Генералниот секретар посочи дека проблемите на Блискиот исток се закана за сите, како и дека за изноѓање на решенија се неопходни политички, дипломатски, економски и воени мерки.

Според него, НАТО и сега е присутен на Блискиот исток со своите напори во борбата со тероризмот. Најдобриот одговор на терористите не се воените операции, туку обуката на локалните безбедносни сили.

„НАТО го задржува своето присуство во Ирак, остануваме во тесна врска со локалните власти. Ситуацијата на Блискиот исток останува несигурна. Никој нема интерес од нов конфликт, стабилноста е важна за сите во НАТО“, дополни Столтенберг.

Би можело да ве интересира

ОН: Решение за блискоисточниот конфликт е формирање на две држави

Ана Ололовска

Очекувањата за членство во НАТО и старт на преговорите со ЕУ се вкрстуваат во март

Ана Ололовска

Димитров во Шпанија на разговори за Потоколот за НАТО и за преговорите со ЕУ

Ана Ололовска

Столтенберг му покажа на Спасовски каде ќе стојат македонските обележја во НАТО

А1он

Димитров во посета на Шпанија, на маса и ратификација на Пристапниот протокол за НАТО

Ана Ололовска

Последни подготовки за подигнување на знамето на Северна Македонија како 30. членка на НАТО

Ана Ололовска