Столтенберг: НАТО и Србија се блиски партнери, во Косово сите страни да избегнуваат еднострани акции

Од:

Генералниот секретар на НАТО Јенс Столтенберг оцени дека Северноатлантската алијанса е долгорочен и близок партнер со Србија, а кога станува збор за Косово, порача дека сите страни мора да останат смирени и да избегнуваат еднострани дејствија, јави дописникот на МИА од Белград.

dobivaj vesti na viber

-НАТО и Србија се блиски и долгогодишни партнери. Нашето партнерство се заснова на политички дијалог и практична соработка, со целосно почитување на државната политика на воена неутралност на Србија. Нашиот политички дијалог се манифестира на различни начини. Ова ги вклучува моите контакти со претседателот Александар Вучиќ и другите политички лидери и редовните интеракции со моите српски колеги, меѓу кои се и мојот заменик помошник за политички прашања и безбедносна политика и шефот на Канцеларијата за воени врски на НАТО во Белград, објасни Столтенберг во интервјуто за подгорички „Вјести“, додавајќи дека ова ги вклучува добро воспоставените односи меѓу командантот на КФОР и началникот на Генералштабот на Србија.

Кога станува збор за Косово, Столтенберг рече дека дијалогот меѓу Белград и Приштина е клучен за зачувување на мирот и безбедноста.

-Неодамна разговарав со политичките лидери во Приштина и Белград за тензиите на северот на Косово. Сите страни мора да останат смирени, да избегнуваат еднострани дејствија и конструктивно да се вклучат во дијалог со посредство на Европската унија. Во согласност со својот мандат во ОН, мисијата КФОР внимателно ја следи ситуацијата и е подготвена да интервенира доколку е загрозена стабилноста. Нашата мисија е посветена на обезбедување безбедна средина и слобода на движењето за сите луѓе во Косово. НАТО продолжува целосно да го поддржува дијалогот со посредство на ЕУ и ги повикуваме сите страни да продолжат со преговорите. Тоа е клучно за регионалниот мир и безбедност, оцени Столтенберг за „Вијести“.

Извор: МИА

Би можело да ве интересира

Столтенберг ја осуди „нуклеарната реторика“ на Путин

Ана Ололовска

Столтенберг: НАТО ја прави најфундаменталната промена во својата политика од Студената војна

А1он

Столтенберг: Ќе го зголемиме бројот на војници доколку ескалираат тензиите меѓу Србија и Косово

А1он

Столтенберг: НАТО е подготвен да интервенира на Косово ако е потребно

Горан Наумовски

Столтенберг: На Русија не треба да и се дозволи да победи во војната во Украина

А1он

Столтенберг: НАТО ќе и помогне на Украина со сеопфатен пакет помош за самоодбрана од руската бруталност

А1он