Столтенберг ја повика Русија да го спаси ИНФ

Од:

Времето истекува за да се спаси клучниот договор за нуклеарни ракети со Русија, изјави за Би-Би-Си генералниот секретар на НАТО, Јенс Столтенберг.

Тој вети „одмерен, одбранбен“ одговор ако Русија повторно не ги почитува одредбите од спогодбата до 2 август, кога е крајниот рок.

-Мора да бидеме подготвени за светот…со повеќе руски ракети, рече Столтенберг.

Договорот за елиминација на нуклеарните проектили од среден и краток дострел (ИНФ) е постигнат меѓу САД и СССР во 1987 година.

Американскиот претседател Доналд Трамп во февруари најави дека САД ќе ги прекинат своите обврски кон ИНФ, обвинувајќи ја Русија дека ги крши неговите одредби.

Русија ги негираше тие тврдења, но набрзо потоа ги прекина своите обврски и најави планови за развој на нов систем на вооружување.

Во интервјуто за британскиот сервис, Столтенберг рече дека руските ракети, за кои вели дека „јасно го кршат договорот“, се нуклеарни, мобилни, многу тешки за откривање и способни да стигнат во европските градови во рок од неколку минути.

– Тоа е сериозно. Договорот ИНФ беше камен-темелник во контролата на оружјето со децении и сега го гледаме неговиот крај, рече Столтенберг.

Би можело да ве интересира

Москва: Седум кинески државјани префрлени во болница, се сомнева на коронавирус

Ана Ололовска

Русија го задржува правото на реципрочни мерки кон Бугарија

Ана Ололовска

Москва и Анкара тврдат дека во Сирија имало околу 200 случаи на кршење на примирјето

Ана Ололовска

ВОЗНЕМИРУВАЧКО ВИДЕО: Жена падна од деветти кат, но се исправи и замина

Предраг Петровиќ

Лукашенко: Нема да потклекнеме на притисокот на Москва за обединување

Во Москва и натаму пристигнуваат закани за поставени бомби

Ана Ололовска