Столтенберг и група лидери на НАТО земји неформално ќе разговараат за Украина

Од:

Генералниот секретар на НАТО, Јенс Столтенберг денеска ќе има неформална средба со група лидери на земји членки на НАТО, а ќе се разговара за војната во Украина и подготовките за самитот на НАТО во Шпанија, кон крајот на јуни.

Домаќини на неформалниот состанок ќе бидат холандскиот премиер Марк Руте и данската премиерка Мета Фредериксен, а ќе присуствуваат и романскиот претседател Клаус Јоханис и премиерите на Белгија, Полска, Португалија и Летонија.

Премиерот на Летонија, Кришјанис Каринш, денеска изјави дека очекува на средбата да се разговара и за зајакнување на источното крило на НАТО, особено за Естонија, Летонија и Литванија, кои сите граничат со Русија.

На состанокот му претходеа минатонеделните разговори во Букурешт меѓу девет членки на НАТО за зајакнување на безбедноста во источното крило.

-Мораме да бидеме сигурни дека НАТО е способен и подготвен ефикасно да одговори и да се прилагоди на заканите со кои се соочува. Алијансата мора да биде способна да ја брани секоја педа од својата територија, рече Јоханис по минатонеделниот состанок.

Извор: МИА

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

Столтенберг: Ракети на НАТО беа користени за напад на Црноморската флота

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана