Сто и педесет лица уапсени на демонстрациите на жолтите елеци во Париз

Од:

До 13 часот во Париз на демонстрациите на жолтите елеци беа уапсени 154 лица, а на 54 им беа изречени мерки притвор.

За првата мобилизација по долга пауза, неколку стотици жолти елеци беа собрани од изутринава на различни места во Париз и особено на Плас де ла Бурс. Поворката продолжи кон авенијата Де Ваграм кон Триумфалната капија, која не е дел од трасата декларирана и овластена од префектурата. Полицијата им го блокира патот и употреби солзавец. Разни проектили беа фрлени врз силите на редот а беа подметнати и пожари. Според новинарите на самото место, многу насилници целосно облечени во црно се присутни во групата. До 13 часот беа уапсени 154 лица, а на 54 им беа изречени мерки притвор.

Движењето на жолтите елеци кое се појави пред скоро две години, на 17 ноември 2018 година, е граѓанското движење, антиелитно и кое се бори за поголема даночна и социјална правда. Сега тоа го бара својот втор здив по првата година во која ја вознемири Франција, со окупации на кружни текови и понекогаш насилни демонстрации.

Првите демонстрации за враќање на жолтите елеци, во саботата во Париз и во неколку големи провинциски градови, се тест за владата, која повеќе од се плаши од избивање на ново насилство на Елисејските полиња, каде што се забранети демонстрации, а од денес се спроведува и нова доктрина за одржување на јавниот ред и мир.

Полицијата мобилизира околу 3000 нејзини припадници од кои 160 на мотори за да го спроведуваат редот и мирот за време на демонстрациите.

Би можело да ве интересира

Во Париз 100.000 полицајци ќе го спроведуваат полицискиот час за Нова Година

Саудиска принцеза ограбена во Париз – крадците „се омрсиле“ со 600.000 евра во накит, чанти и крзно

Жарко Настоски

Областа околу Триумфалната капија во Париз евакуирана поради закана за бомба

Жарко Настоски

Макрон вечерва ќе го посети местото на нападот каде напаѓач обезглави наставник по историја

А1он

ВИДЕО: Полицијата застрела непознат напаѓач кој претходно обезглави маж во Париз

А1он

ВИДЕО: Детонација предизвикана од француски борбен авион ги потресе парижани

Жарко Настоски