Стејт департментот одобри можна продажба на оружје за Саудиска Арабија за 290 милиони долари

Од:

Американскиот Стејт департмент одобри можна продажба на 3.000 прецизно наведувани проектили за Саудиска Арабија, со договор вреден 290 милиони американски долари.

Стејт департментот продажбата на оружјето за Саудиска Арабија ја одобри денеска откако американската Агенцијаа за соработка во одбраната (ДСЦА) го информираше Конгресот за можниот договор со Саудиска Арабија, пренесуваат британските медиуми.

Пакетот вклучува 3.000 бомби „ГБУ-39“, контејнери за складирање, помошна опрема, резервни делови и техничка поддршка, наведе вчера Пентагон во соопштение и додаде дека продажбата на оружјето ќе ја подобри способноста на Саудиска Арабија да одговори на сегашните и идните закани со зголемување на количеството на прецизна муниција воздух-земја, што е ефикасна и предизвикува помала колатерална штета.

Членовите на американскиот Конгрес се незадоволни од големиот број цивилни жртви во Јемен, а на почетокот на оваа година се обидоа, но не успеаја да ја блокираат продажбата на воените авиони „Ф-35“ на Ријад.

И покрај одобрението на Стејт департментот, ова соопштение не значи дека е потпишан договор или дека се завршени преговорите.

Продажбата се случува во последните денови од мандатот на американскиот претседател Доналд Трамп, а новоизбраниот претседател Џо Бајден вети дека ќе ја запре продажбата на оружје за Саудиска Арабија, најголемиот купувач на американско оружје на Блискиот исток, во обид да го спроведе притисок врз Ријад да се стави крај на војната во Јемен, што ја предизвика најтешката хуманитарна криза во светот.

Би можело да ве интересира

Американскиот претседател отсега нема да може сам да одлучи земјата да истапи од НАТО

Жарко Настоски

САД реагираат на идеите за прекројување на границите: Го поддржуваме суверенитетот и територијалниот интегритет на БиХ

Жарко Настоски

Полицаецот кој го уби Џорџ Флојд одбива да сведочи, се повика на Петтиот амандман

Жарко Настоски

Бајден го потпиша указот за нови санкции против Русија

САД ќе воведат санкции за Русија, ќе протераат и руски дипломати

Во затвор почина Берни Медоф, организатор на една од најголемите финансиски измами во историјата

Жарко Настоски